Þrír ákærðir fyrir að ráðast á mann á heimili hans
Lögreglustjórinn á Austurlandi hefur ákært þrjá menn fyrir líkamsárás og eignaspjöll fyrir að hafa ráðist á mann á heimili hans um síðustu verslunarmannahelgi.
Þrímenningarnir, sem eru á aldrinum 35-45 ára, eru ákærðir fyrir að hafa lamið karlmann á sextugsaldri á heimil hans þannig hann datt í gólfið.
Eftir það hafi þeir haldið áfram að lemja hann og sparka í þannig hann fékk glóðarauga, mar og bólgu á kinn og eymsli á hnakka.
Einn þremenninganna er að auki ákærður fyrir eignaspjöll með því að hafa lamið í póstkassa utan á húsinu og eyðilagt þegar hann yfirgaf húsið.
Saksóknari fer fram á að mönnunum verði refsað og fórnarlambið fram á tæpar tvær milljónir í skaðabætur.
