Ungur nemur, gamall temur
Hjúkrunarheimilin Hulduhlíð á Eskifirði og Uppsalir á Fáskrúðsfirði voru meðal þeirra sem hlutu styrki úr Rannsóknarsjóði Hrafnistu á dögunum. Styrkurinn er veittur til verkefnis sem nefnist Ungur nemur, gamall temur.Markmið sjóðsins, sem er í eigu Sjómannadagsráðs höfuðborgarsvæðisins, eiganda Hrafnistuheimilanna, er að stuðla að nýjungum og þróun í málefnum aldraða. Sjóðurinn er opinn öllum, einstaklingum, fyrirtækjum og stofnunum, sem stunda rannsóknir, formlegt nám eða annað sem stuðlað getur að jákvæðri þróun í málaflokknum.
Lestrarþjálfun barna með öldruðum
Hjúkrunarheimilin Hulduhlíð og Uppsalir í Fjarðarbyggð hlutu styrk að upphæð 200.000 krónur. Heiti vekefnisins er Ungur nemur gamall temur. Markmið þess er að fá grunnskólabörn í heimsókn á hjúkrunarheimilin og taka þar þátt í lestrarátaki. Börnin æfa sig í lestri með því að lesa fyrir íbúa sem veita þeim leiðsögn á meðan á lestrinum stendur. Margvíslegur ávinningur verður af verkefninu; börnin eflast í lestri, íbúar fá heimsóknir grunnskólabarna, sem dregur úr einveru, auk þess sem þeir taka þátt í uppbyggingarverkefni með börnum. Með verkefninu er verið að tengja saman kynslóðir, skapa notalegan vettvang fyrir samveru yngstu og elstu kynslóðar samfélagsins með því að fá ungviðið í reglulegar heimsóknir.
Margvíslegur ávinningur
Ragnar Sigurðsson er framkvæmdastjóri hjúkrunarheimilanna: „Um nokkurt skeið hefur verkefni verið í gangi í Fjarðabyggð sem miðar að því að félag eldri borgara á Reyðarfirði fer í heimsókn í grunnskólann og hlýðir á börnin í lestri. Verkefni hjúrkunarheimilanna snýr að því að útvíkka þar verkefni og fá börnin í heimsókn á hjúkrunarheimilin.
Við teljum að ávinningur verkefnisins verði margvíslegur; börnin eflast í lestri, íbúar fá heimsóknir grunnskólabarna sem dregur úr einveru auk þess sem þau taka þátt í uppbyggingarverkefni með börnum. Með verkefninu er verið að tengja saman kynslóðir, skapa notalegan vettvang til eflingar á yngstu og elstu kynslóðum samfélagsins og fá ungviðina í reglulegar heimsóknir.
Ráðgert er að hefja verkefnið nú í febrúar og að það standi yfir til áramóta í hið minnsta. Að því loknu verður árangurinn metinn í samráði við skólayfirvöld og ef vel tekst til þá verður formið á verkefninu mótað til framtíðar. Vonir standa tl að verkefnið gefist vel og að hægt verði að hafa lestrarsamkeppni og útskriftir á hjúkrunarheimilinu á vegum verkefnisins,” segir Ragnar.
