Varað við stormi á sunnanverðum Austfjörðum
Veðurstofan varast við vindstrengjum syðst á Austfjörðum og sunnan Vatnajökuls í dag.
Vindur mun standa af norðri, ýmist strekkingur eða allhvass. Við það geta myndast staðbundnir vindstrengir af stormstyrk, og er þeirra helst að vænta sunnan Vatnajökuls og syðst á Austfjörðum.
Eins og svo oft áður fylgja norðanáttinni él norðan- og austanlands.
Í kvöld og nótt fer að draga úr vindinum, en norðanáttin getur oft verið lengi að ganga niður og búist er við að hún haldi velli í veikari mæli á morgun. Þá verður áfram kalt og él, en þurrt á sunnanverðu landinu.