Vaskar konur frá Hallormsstað hlutu hvatningarverðlaun TAKs
Þær Bergrún Arna Þorsteinsdóttir og Guðný Vésteinsdóttir frá Hallormsstað, sem reka fyrirtækið Holt og heiðar ehf., fengu nýverið hvatningarverðlaun Tengslanets austfirskra kvenna (TAK).
Viðurkenningin er veitt aðilum sem þykja hafa skarað fram úr í störfum sínum og vakið verðskuldaða athygli á störfum kvenna.
Fyrirtæki þeirra framleiðir vörur úr austfirsku hráefni, sultur, birkisýróp, birkisafa og fleira án rotvarnarefna eða annarra viðbættra aukaefna.
