Víðtækt rafmagnsleysi eftir truflun í Fljótsdal
Rafmagn fór af víða á Norður- og Austurlandi stuttu eftir klukkan níu í morgun vegna truflunar í tengivirki í Fljótsdal.
Truflunin kom upp klukkan rúmlega níu í morgun og hafði áhrif á byggðalínuna þannig að straumlaust varð víða á Norður- og Austurlandi.
Flutningskerfinu er skipt í tvær eyjar þannig truflunin hafði áhrif allt frá Teigarhorni að Blöndu. Stutt straumleysi varð þannig á Hólum og Teigarhorni.
Um klukkutíma eftir truflunina var uppbygging dreifikerfisins komin vel á veg, að því er fram kemur í tilkynningu frá Landsneti.