Vilja flýta byggingu leikskóla á Norðfirði

Höfundur: Gunnar Gunnarsson • Skrifað: .

nesk.jpgBæjarstjórn Fjarðabyggðar heitir að leita áfram allra leiða til að flýta byggingu nýs leikskóla á Norðfirði. Samkvæmt áætlunum er þó ekki gert ráð fyrir fjármagni til byggingarinnar fyrr en árið 2014.

Þetta kemur fram í bókun frá seinasta fundi bæjarstjórnar. Þar segir: „Öllum er ljós sú mikla þörf sem þar er fyrir nýtt húsnæði bæði vegna fjölda barna og þeim takmörkum sem núverandi húsnæði hefur fyrir leikskólastarfið.“

Í þriggja ára áætlun sveitarfélagsins er gert ráð fyrir að fjármagni verði veitt í bygginguna árið 2014. Bæjarstjórnin heitir samt að leita áfram leiða til að flýta verkinu og hafa það til hliðsjónar þegar fjárhagsáætlun ársins 2012 verður unnin í haust.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar