Alþjóðleg athafnavika á Íslandi kynnt í dag
Kynningarfundur á Alþjóðlegri athafnaviku verður haldinn á Hótel Hérað í dag kl. 17. Á fundinum munu starfsmenn Innovit sem er umsjónaraðili að verkefninu á Íslandi, kynna verkefnið og svara fyrirspurnum.
Tilgangur alþjóðlegrar athafnaviku sem er haldin á sama tíma í 100 löndum er að:
· Virkja alla þjóðina til jákvæðra verka og vekja athygli á mikilvægi athafnasemi fyrir samfélagið í heild sinni.
· Senda jákvæð og uppbyggileg skilaboð til Íslendinga nú þegar svartsýni og bölmóður er alltof algengt viðhorf í þjóðfélaginu.
· Snúa við umræðunni um atvinnulífið og gefa Íslendingum tilefni til að horfa björtum augum fram á veginn.
Hugmyndin er sú að íslendingar taki þátt í þessari viku með fjölbreyttum viðburðum og almennri athafnasemi. Verkefnið byggir á samvinnu menntastofnanna, sveitarfélaga ,atvinnulífsins , félagasamtaka, góðgerðarsamtaka og einstaklinga.
Á heimasíðunni www.athafnavika.is má nálgast frekari upplýsingar um verkefnið.
Dögunum er skipt niður í ákveðnar áherslur sem eru:
Athafnasemi kvenna – Dagur helgaður konum í atvinnulífinu
Opin nýsköpun – Dagur helgaður nýsköpun á öllum sviðum
Íslenskir grunnatvinnuvegir – Dagur helgaður íslenskum grunnatvinnuvegum
Samfélagsleg nýsköpun – Dagur helgaður athafnasemi í þágu samfélagsins
Skapandi iðnaður – Dagur tileinkaður skapandi hugsun, listum og menningu.
Allir velkomnir.
