Banaslys í Jökulsárhlíð
Banaslys varð um klukkan ellefu í morgun á Hlíðarvegi í Jökulsárhlíð skammt norðan við bæinn Sleðbrjót.
Jeppabifreið á norður leið valt á veginum. Tveir menn voru í bifreiðinni og lést annar þeirra en hinn var fluttur slasaður á Fjórðungssjúkrahúsið í Neskaupstað. Rannsókn málsins er í höndum rannsóknardeildar lögreglunnar á Eskifirði í náinni samvinnu við lögregluna á Egilsstöðum.
Í tilkynningu lögreglunnar segir að ekki verið gefnar nánari upplýsingar um slysið að svo stöddu.