Fyrsta úthlutun Nytjamarkaðsins til góðra málefna
Siggi Jensson, forsprakki Fjarðaportsins á Reyðarfirði, afhenti Björgunarsveitinni Brimrúnu á Eskifirði peningagjöf að upphæð 50.000 kr. í vikunni. Peningarnir eru ágóði af sölu muna úr Nytjamarkaðnum sem er í Fjarðaportinu.
Munirnir sem eru seldir í Nytjamarkaðnum koma úr söfnunargámum sem eru á öllum söfnunarstöðvum í Fjarðabyggð eða koma beint í Nytjamarkað Fjarðaportsins. Með því að veita gömlum hlutum framhaldslíf er dregið úr sorpmagni í urðun. Félagar úr björgunarsveitinni komu í hálfan dag helgina fyrir opnun og hjálpuðu við að þrífa húsnæði Fjarðaportsins. Þetta er fyrsta peningaúthlutunin frá Nytjamarkaðnum.
