360 skammtar af bóluefni
360 skammtar af bóluefni gegn Covid-19 verða gefnir á Austurlandi í vikunni. Meira en helmingur þeirra verður á Vopnafirði.Á morgun verða 222 einstaklingar bólusettir á Vopnafirði. Þar verða annars vegar bólusettir einstaklingar með undirliggjandi sjúkdómar, hins vegar íbúum yfir 70 gefin seinni bólusetning.
Á Eskifirði verða 120 einstaklingar á aldrinum 65-70 ára með undirliggjandi sjúkdóma bólusettir. Þá eru 18 skammtar eftir sem gefnir verða á Egilsstöðum fólki með undirliggjandi sjúkdóma auk þess sem verið er að ljúka bólusetningu heilbrigðisstarfsfólks.
Bóluefnið kemur frá Pfizer/BioNTech. Í vikunni er fyrsta sendingin af efni frá Janssen vænst til landsins en ekki er búið að gefa út hvernig það verður notað.
Í næstu viku verður haldið áfram að bólusetja Austfirðinga með undirliggjandi sjúkdóma áður en haldið verður áfram inn í aldurshópinn 60-70 ára, sem er næstur í röðinni. Heilbrigðisstofnun Austurlands notast við boðunarlista sem gefnir eru út af embætti landlæknis. Það þýðir að byrjað verður að boða fólk í bólusetningu yfir sextugu þegar þeir listar hafa verið staðfestir og lokið við bólusetningu fólks með undirliggjandi sjúkdóma.