Banna umferð vélknúinna ökutækja á Búlandsdal á hreindýraveiðitímabilinu
Sveitarstjórn Djúpavogshrepps samþykkti á síðasta fundi sínum bann við umferð vélknúinna ökutækja á innan við göngubrú sem liggur yfir Búlandsá og uppbyggður vegur liggur að.Ástæðan eru alvarlegar og endurteknar umkvartanir sem fulltrúum sveitarfélagsins hafa borist vegna slæmrar umgengni af notkun ökutækja á svæðinu. Hún er að mestu rakin til hreindýraveiða.
Viðræður hafa farið fram milli sveitarfélagsins og Félags leiðsögumanna með hreindýraveiðum sem hefur átalið og umgengnina háttsemina mjög, að því er fram kemur í fundargerð.
Við bætist að svæðið er að stórum hluta vatnsverndarsvæði Djúpavogshrepps en það liggur beggja vegna árinnar á dalnum.
Bannið tók gildi frá og með 15. júlí en þann dag hófst hreindýraveiðitímabilið.
Þá er áréttað að umferð ökutækja um fólkvanginn á Teigarhorni utan þegar lagðra vega er með öllu óheimil nema umsjónaraðilum á afmörkuðum svæðum.
Á móti óskar sveitarstjórnin eftir ábendingum frá leiðsögumannafélaginu um hvar bæta megi úr mörkuðum vegslóðum á öðrum svæðum til að auðvelda veiðimönnum aðgengi að veiðslóð.
