Mikilvægt að styrkja flutningskerfi raforku austur
Bæjarstjórn Fljótsdalshéraðs telur mikilvægt að flutningskerfi raforku verði styrkt. Núverandi ástand sé óásættanlegt fyrir fyrirtæki á Austurlandi.Þetta kemur fram í bókun frá síðasta fundi bæjarstjórnarinnar þar sem matslýsing vegna kerfisáætlunar Landsnets 2015-2024 var til umræðu.
Í bókunni segir að sérstaklega sé mikilvægt að styrkja flutningskerfið til og frá Austurlandi.
„Núverandi staða þar sem fyrirtæki á Austurlandi þurfa að sæta skerðingu á afhendingu raforku, er óásættanleg og uppbygging á því kerfi verður að vera forgangsverkefni," segir í bókuninni.
„Komi að því loknu til lagningar sæstrengs til Evrópu lítur bæjarstjórn svo á að öll rök séu fyrir því að tengja hann inn á Austurland og telur ýmsar þær röksemdir sem tilgreindar eru í drögum að kerfisáætlun varðandi tengingu sæstrengs ekki eiga rétt á sér."
