Skip Síldarvinnslunnar að veiðum
Síldveiðar eru að hefjast að nýju hjá Síldarvinnslunni eftir nokkurt hlé á veiðum og vinnslu í síðustu viku. Beitir NK og Birtingur NK höfðu lagt stund á veiðarnar á meðan viðhaldsverkefnum var sinnt um borð í Berki NK. Nú er Börkur tilbúinn að hefja veiðar og hélt hann út á miðin í gær.
Að sögn Hjörvars Hjálmarssonar skipstjóra hefur verið bræla á miðunum út af Austfjörðum að undanförnu en veðrið sé nú að ganga niður.
„Við munum byrja á því að leita hérna uppi á landgrunninu en það hefur fengist góð síld að undanförnu frá Reyðarfjarðardýpi og allt norður á Glettinganesgrunn. Síðan hafa einhver skip reynt fyrir sér austur af landgrunninu og fengið þar einhvern afla. Það eru fá skip að síldveiðum þessa stundina og því nauðsynlegt að byrja á að leita.“
Erfitt að ná í ufsa
Frystitogarinn Barði NK kom til heimahafnar í Neskaupstað sl. laugardag að lokinni góðri veiðiferð, en skipið millilandaði hinn 19. september.
Heildaraflinn í veiðiferðinni var 310 tonn upp úr sjó að verðmæti um 130 milljónir króna. Theodór Haraldsson, skipstjóri á Barða, segir að meginhluti aflans hafi verið karfi og grálúða. Þá hafi töluvert verið reynt að veiða ufsa en það hafi gengið heldur erfiðlega.
“Við byrjuðum í grálúðu hér fyrir austan en síðan var haldið vestur í ufsaleit. Okkur eins og fleirum reyndist erfitt að finna hreinan ufsa – hann var þorsk- eða karfablandaður í alltof ríkum mæli og alls ekki eins mikið af honum og hefur verið síðustu 3-4 árin. Við héldum í Víkurálinn eftir að hafa reynt við ufsann og þar var fínasta karfaveiði. Undir lok túrsins fórum við síðan aftur í grálúðuna hér eystra.“
Mynd: Börkur NK við veiðar. Geir Zöega
„Við munum byrja á því að leita hérna uppi á landgrunninu en það hefur fengist góð síld að undanförnu frá Reyðarfjarðardýpi og allt norður á Glettinganesgrunn. Síðan hafa einhver skip reynt fyrir sér austur af landgrunninu og fengið þar einhvern afla. Það eru fá skip að síldveiðum þessa stundina og því nauðsynlegt að byrja á að leita.“
Erfitt að ná í ufsa
Frystitogarinn Barði NK kom til heimahafnar í Neskaupstað sl. laugardag að lokinni góðri veiðiferð, en skipið millilandaði hinn 19. september.
Heildaraflinn í veiðiferðinni var 310 tonn upp úr sjó að verðmæti um 130 milljónir króna. Theodór Haraldsson, skipstjóri á Barða, segir að meginhluti aflans hafi verið karfi og grálúða. Þá hafi töluvert verið reynt að veiða ufsa en það hafi gengið heldur erfiðlega.
“Við byrjuðum í grálúðu hér fyrir austan en síðan var haldið vestur í ufsaleit. Okkur eins og fleirum reyndist erfitt að finna hreinan ufsa – hann var þorsk- eða karfablandaður í alltof ríkum mæli og alls ekki eins mikið af honum og hefur verið síðustu 3-4 árin. Við héldum í Víkurálinn eftir að hafa reynt við ufsann og þar var fínasta karfaveiði. Undir lok túrsins fórum við síðan aftur í grálúðuna hér eystra.“
Mynd: Börkur NK við veiðar. Geir Zöega
