Átta sóttu um stöðu minjavarðar
Átta umsóknir bárust um stöðu minjavarðar Austurlands en umsóknarfrestur rann út í síðustu viku. Minjavörður hefur umsjón og eftirlit með minjum á svæðinu frá Vopnafirði að Djúpavogshreppi.Starfið var auglýst í lok september en í auglýsingu er meðal annars farið fram á menntun á háskólastigi sem nýtist í starfi og stjórnunarreynslu.
Minjaverði er ætlað að stuðla að markvissri starfsemi í minjavernd á svæðinu, viðhaldið minja og sjálfbærri nýtingu.
Umsækjendur verða boðaðir í viðtal í næstu viku og í framhaldinu verður ráðið í starfið. Gert er ráð fyrir að nýr minjavörður taki til starfa í byrjun janúar.
Ekki er auglýst ákveðin staðsetning starfsins en skrifstofa minjavarðar var í vor flutt frá Egilsstöðum á Djúpavog.
Eftirtalin sóttu um:
Ísak Örn Sigurðsson
G. Tittus Roy
Rannveig Þórhallsdóttir
Þuríður Elísa Harðardóttir
Hrönn Konráðsdóttir
Óskar L. Arnarson
Margrét Hermanns-Auðardóttir
Skarphéðinn Smári Þórhallsson
