Alvarlegt bílslys við Eskifjörð
Þrír voru fluttir á Fjórðungssjúkrahúsið í Neskaupstað eftir alvarlegt umferðarslys fyrir botni Eskifjarðar í morgun þar sem tvær bifreiðar sem komu úr gagnstæðri átt skullu saman.Beita þurfti klippum til að ná fólkinu út úr annarri bifreiðinni. Þrír einstaklingar voru í öðrum bílnum en tveir í hinum. Sem fyrr segir voru þrír fluttir á Norðfjörð en tveir til skoðunar á heilsugæslustöðinni á Eskifirði.
Mikil ísing var á vettvangi og því afar hált á veginum. Slysið varð við Krók á vegi 92, Norðfjarðarvegi fyrir botni Eskifjarðar.
Lögreglan gefur ekki út nánari upplýsingar að svo stöddu en rannsóknardeild lögreglunnar á Austurlandi rannsakar málið frekar.
