Samband komið aftur á hjá Nova
Viðgerð er lokið á bilun sem varð í dreifikerfi Nova þannig að samband viðskiptavina í Neskaupstað og Eskifirði datt út klukkan níu í gærkvöldi.
Farsímanotendum er bent á að endurræsa síma sína ef þeim gengur illa að ná sambandi.
Þær upplýsingar fengust hjá Nova að bilun hefði komið upp í grunnkerfi þannig að sendar fyrir svæðin náðu ekki sambandi.
Nova biður viðskiptavini sína afsökunar á þeim óþægindum sem sambandsleysið hefur valdið.