Aðeins sótt um eina af sjö nýjum lóðum á Borgarfirði eystri
Einungis einn aðili sótti um lóð við Jörfa á Borgarfirði eystri þegar Múlaþing auglýsti þar alls sjö nýjar lóðir til úthlutunar í marsmánuði.
Lóðirnar nýju voru formlega auglýstar í byrjun febrúar en þar um að ræða lóðirnar Hólma-, Mikla-, Bakka-, Vörðu-, Smára- og Fjárborg auk Mýrartúns.
Var umsóknarfrestur gefinn til 18. mars síðastliðinn en aðeins barst ein umsókn. Sú var frá fyrirtækinu Bjarni byggir sem hyggst byggja fjögurra íbúða raðhús í bænum en skipulagsfulltrúi Múlaþings fyrir sitt leyti samþykkti umsóknina.
Lóðirnar sjálfar verða formlega afhentar um miðjan ágúst.
