Austfirðingar treysta nýju ríkisstjórninni best
Austfirðingar treysta nýrri ríkisstjórn best ef marka má niðurstöður nýrrar könnunar. Það er þó ekki þar með sagt að traustið sé mikið.
Þetta kemur fram í könnun sem Maskína birti í dag.
Samkvæmt henni bera 36,8% Austfirðinga mikið traust til ríkisstjórnarinnar, 10,3% segja það í meðallagi en 52,9% bera lítið traust til hennar.
Til samanburðar má nefna að 25,4% landsmanna bera mikið traust til stjórnarinnar en 65,6% bera lítið traust til hennar.
33,2% Austfirðinga bera mikið traust til Sigurðar Inga Jóhannssonar sem forsætisráðherra en 50% treysta honum ekki. Á landsvísu treysta 19,6% honum en 65,9% treysta honum ekki.
Traust til Bjarna Benediktssonar á Austurlandi mælist 35,4% en 47,6% vantreysta honum. Á landsvísu treysta 25,9% honum en 61,7% bera lítið traust til hans.
Vantraustið er mest í höfuðborginni en úr því dregur eftir því sem kemur út á land.
