Austfirðingum boðið á færeyska atvinnulífssýningu
Fréttir • This email address is being protected from spambots. You need JavaScript enabled to view it. • Fyrst birt 27. ágú 2012 18:52 • Uppfært 08. jan 2016 19:23
Þriggja manna sendinefnd frá Rúnavík, vinabæ Fljótsdalshéraðs, heimsótti atvinnulífssýninguna Okkar samfélag sem haldin var nýverið á Egilsstöðum. Austfirskum fyrirtækjum var á móti boðið á stærstu atvinnusýningu Færeyja í haust.
Sendinefndina skipuðu þau Sæunn Ólavsdottir Hansen, varabæjarstjóri, Sølvi Reinert Hansen, fræðslustjóri, og Rannvá Troest, stjórnandi Faroexpo sýningarinnar.
Sýningin er sú stærsta í færeysku atvinnulífi og ferðast á milli byggðarlaga í Færeyjum en að þessu sinni verður hún haldin í Rúnavík. Fulltrúum fyrirtækja af Héraði var boðið til fundar með Færeyingunum og að taka þátt í sýningunni í október.
Samstarf sveitarfélaganna var rætt á breiðum grundvelli, meðal annars í menningar- og íþróttamálum en gestirnir tóku þátt í héraðshátíðinni Ormsteiti.
