Bílvelta á Fjarðarheiði
Fjórir erlendir ferðamenn sluppu með skrekkinn þegar bifreið þeirra valt á Fjarðarheiði í morgun.
Fyrsti snjórinn heilsaði á Fjarðarheiðinni og er útlit fyrir að ferðalangarnir hafi misst stjórn á bílnum í krapa en snjóþekja og slydda var á slysstað.
Atvikið átti sér stað rétt fyrir klukkan tíu í morgun vestan við Heiðarvatn. Sjúkrabíll var kallaður á staðinn en meiðslin voru minniháttar.