Bæjarstjórn Fjarðabyggðar mótmælir lokun sjúkrahússins
Fréttir • This email address is being protected from spambots. You need JavaScript enabled to view it. • Fyrst birt 09. jan 2012 23:29 • Uppfært 08. jan 2016 19:22
Bæjarstjórn Fjarðabyggðar skorar á ríkisvaldið að veita nægilegu
fjármagni til Fjórðungssjúkrahúss Austurlands í Neskaupstað til að ekki
komi til lokunar sjúkrasviðs í sumar eins og yfirstjórn
Heilbrigðisstofnunar Austurlands hefur lagt til í sparnaðarskyni.
„Það eru sjálfsögð og almenn mannréttindi að íbúar Austurlands njóti sjúkrahúsþjónustu í sínum fjórðungi allt árið um kring en sé ekki gert að sækja hana um langar leiðir í aðra landsfjórðunga enda geti líf legið við,“ segir í ályktun sem samþykkt var á fundi bæjarstjórnarinnar fyrir helgi.
„Þá er það alveg ljóst að sú mikla uppbygging og framleiðsla í sjávarútvegi, áliðnaði, tengdum þjónustugreinum sem og öðrum atvinnugreinum á Austurlandi grundvallaðist meðal annars á því að í Neskaupstað væri sjúkrahús með bráðaþjónustu.
Þá er það ótalið að dýrara er bæði fyrir ríki og einstaklinga að sækja sjúkrahúsþjónustu annarsstaðar meðan á lokun sjúkrasviðsins stendur. Bæjarstjórn Fjarðabyggðar skorar á ríkisvaldið að veita nægjanlegu fjármagni til Heilbrigðisstofnunar Austurlands þannig að þessi áform um lokun á sjúkrasviði FSN verði ekki að veruleika.“
„Þá er það alveg ljóst að sú mikla uppbygging og framleiðsla í sjávarútvegi, áliðnaði, tengdum þjónustugreinum sem og öðrum atvinnugreinum á Austurlandi grundvallaðist meðal annars á því að í Neskaupstað væri sjúkrahús með bráðaþjónustu.
Þá er það ótalið að dýrara er bæði fyrir ríki og einstaklinga að sækja sjúkrahúsþjónustu annarsstaðar meðan á lokun sjúkrasviðsins stendur. Bæjarstjórn Fjarðabyggðar skorar á ríkisvaldið að veita nægjanlegu fjármagni til Heilbrigðisstofnunar Austurlands þannig að þessi áform um lokun á sjúkrasviði FSN verði ekki að veruleika.“
