Bálhvasst á Borgarfirði: Þakplötur fuku af frystihúsinu
Fréttir • This email address is being protected from spambots. You need JavaScript enabled to view it. • Fyrst birt 11. mar 2012 17:49 • Uppfært 08. jan 2016 19:22
Bálhvasst hefur verið víða á Austurlandi í dag og samgöngur farið úr skorðum. Þakplötur rifnuðu af gamla frystihúsinu á Borgarfirði eystri.
Vindurinn fór upp í 30 m/s í snörpustu vindhviðunum á Borgarfirði í dag. Þar losnuðu nokkrar þakplötur af gamla frystihúsinu og fuku meðal annars niður í fjöru.
Hvassviðri hefur hamlað samgöngum á Austurlandi í dag. Ekkert var flogið framan af degi. Byrjað er að fljúga á ný og er fyrsta vélin væntanleg til Egilsstaða um kvöldmatarleytið.
Á Oddsskarði og Vopnafjarðarheiði mældust vindhviður um og yfir 40 m/s í morgun. Vindinn hefur lægt verulega núna seinni partinn.
Mynd: Dagur Björnsson
