Búið að opna Breiðdalsheiði
Vegurinn yfir Breiðdalsheiði var opnaður í hádeginu í dag. Vonast er til að fært verði yfir Öxi eftir helgina.Vel gekk að opna veginn yfir Breiðdalsheiði en byrjað var á verkinu í gærmorgun. Þar er búið að opna fyrir umferð en í dag verður unnið við lagfæringar á veginum þannig vegfarendum er ráðlagt að fara með gát.
Byrjað var að blása snjó af veginum yfir Öxi í morgun. Þar er talsvert meiri snjór en á Breiðdalsheiðinni og má búast við að blásturinn einn og sér taki tvo daga. Eftir það þarf að laga veginn áður en hægt verður að hleypa á hann umferð. Það gæti gerst á sunnudag eða byrjun næstu viku.
Ekki er byrjað að skoða leiðina til Mjóafjarðar, en í það verður farið í framhaldi af Öxi. Eins er enn lokað yfir Hellisheiði og ekki von á að hún verðu rudd fyrr en í byrjun maí.
