Bylgja ráðin verkefnastjóri íþrótta- tómstunda og forvarnamála
Bylgja Borgþórsdóttir hefur verið ráðin verkefnastjóri íþrótta-, tómstunda- og forvarnamála hjá sveitarfélaginu Fljótsdalshéraði.
Þetta kemur fram í fréttatilkynningu frá sveitarfélaginu. Bylgja hefur starfað sem kennari við Egilsstaðaskóla undanfarin misseri og var þar áður skólastjóri við Grunnskólann í Breiðdalshreppi.
Hún stundar nú nám í opinberri stjórnsýslu. Bylgja hefur störf sem verkefnastjóri í lok febrúarmánaðar.
Alls sóttur 7 um starf verkefnastjóra. Umsækjendur voru auk Bylgju, Birna Björk Reynisdóttir kennari á Egilsstöðum, Katrín Reynisdóttir verkefnastjóri hjá Austurbrú, Lárus Páll Pálsson viðskiptafræðingur Reykjavík, Lovísa Hreinsdóttir kennari á Egilsstöðum, Reynir Hólm Gunnarsson tómstundafulltrúi hjá Fljótsdalshéraði, Sonja Ólafsdóttir crossfitþjálfari á Egilsstöðum.