Byrja að byggja þriðja raðhúsið í Bláargerði
Austurbygg er að hefja byggingu á þriðja raðhúsinu í Bláargerði á Egilsstöðum. Í því verða fjórar íbúðir.Ívar Karl Hafliðason eigandi Austurbygg segir að þessar íbúðir séu allar seldar en þær voru auglýstar til sölu fyrr í vetur.
“Við vonumst til að geta afhent þessar íbúðir í október næstkomandi ef allt gengur að óskum,” segir Ívar Karl. “Við lendum í smávegis vandræðum í fyrra með samskonar raðhús vegna COVID það er bygging þess tafðist um nokkrar vikur vegna farsóttarinnar.”
Ívar Karl segir að hann voni að ekki komi til tafa á framkvæmdunum í ár. “Ég er að vona að þetta vesen vegna COVID sé nú að mestu að baki okkar og að tímasetning um afhendingu standist,” segir hann.
Þetta er þriðja raðhúsið sem Austrubygg byggir í Bláargerði og verða þá íbúðirnar orðnar 12 talsins.
Mynd: Facebook
