Eyðublað í Sparisjóði Austurlands vegna endurkröfu á WOW
Farþegar sem keypt höfðu farmiða með WOW Air geta gert endurkröfu vegna ferða sem ekki hafi verið farnar hafi þeir greitt með debet- eða kreditkorti. Sparisjóður Austurlands hefur þegar hafið móttöku slíkra krafna.Þetta kemur fram í tilkynningu frá sjóðnum sem send var út í kjölfar þess að flugfélagið hætti starfsemi í morgun.
Þar er vísað í leiðbeiningar frá Valitor um að þeir sem greitt hafa með debet- eða kreditkortum frá Visa eða MasterCard eigi endurkröfurétt þegar fyrirframgreidd þjónusta verði ekki innt af hendi.
Þessi möguleiki er í boði þar sem flug var keypt beint af flugvélaginu.
Hægt er að koma í afgreiðslu sparisjóðsins og fylla þar út eyðublað með upplýsingum um flug og bókunarnúmer eða senda upplýsingarnar inn í gegnum vef Valitors.
