Fagráð stofnað um uppbyggingu þekkingarsamfélags
Stofnaður verður starfshópur á vegum Sambands sveitarfélaga á Austurlandi um uppbyggingu þekkingarsamfélags á Austurlandi. Í síðustu viku var skrifað undir viljayfirlýsingu um myndun fagráðs til stuðnings hópnum.
Þetta var gert á 50 ára afmælismálþingi sambandsins sem haldið var í Neskaupstað í síðustu viku en það var tileinkað þekkingarsamfélaginu. Starfshópnum er ætlað að skilgreina þrjú verkefni á því sviði sem ráðist verði í á næstu fimm árum.
Að fagráðnu standa mennta- og menningarmálaráðuneytið, University of Highlands and Islands, Háskólinn á Akureyri, Háskóli Íslands, Náttúrustofu Austurlands og Austurbrúar.
Í tilkynningu segir að hafi því miður fækkað heldur á Austurlandi á liðnum árum. Ein skýring á þessari neikvæðu þróun sé skortur á sérhæfðum störfum fyrir háskólamenntaða einstaklinga.
Sömuleiðis hafi framboði á fjarnámi á háskólastigi verið af mjög skornum skammti og einsleitt. Þá halli verulega á Austurland þegar komi að háskóla- og rannsóknastarfsemi á vegum ríkisins.
