Félagshyggjufólk undirbýr framboð
Félagshyggjufólk í nýju sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hefur hafið undirbúnings framboðs fyrir sveitarstjórnarkosningar þar í vor.Í tilkynningu kemur fram að Héraðslisti og Seyðisfjarðarlisti, auk öflugra einstaklinga frá Borgarfirði og Djúpavogi, hafi ákveðið að sameina krafta sína og bjóða fram í nafni félagshyggju í kosningunum.
„Tækifærin í nýju sameinuðu sveitarfélagi eru mörg og nýtt hlutverk heimastjórna getur markað kaflaskil í sögu sveitarfélaga á Íslandi,“ segir þar.
Leit er hafin að væntanlegum frambjóðendum sem brenna fyrir umhverfis-, mennta-, jafnaðar-, atvinnu- og menningarmálum. Til stendur að halda opinn fund um framboðið í byrjun nýs árs.
Nefnd verður valin til að stilla upp á listann.
