Fimm prestaköll sameinuð í eitt
Kirkjuþing samþykkti um liðna helgi að fimm austfirsk prestaköll verði sameinuð í eitt. Ekki er gert ráð fyrir að fjöldi presta sem þjóna svæðinu breytist.Samkvæmt samþykktinni verða Djúpavogs-, Heydala-, Kolfreyjustaðar-, Eskifjarðar- og Norðfjarðarprestaköll í Austurlandsprófastsdæmi sameinuð í eitt prestakall sem mun bera heitið Austfjarða-prestakall.
Sameinigin tekur gildi við starfslok núverandi sóknarpresta. Ekki hefur verið gert ráð fyrir breyting verði á sóknum innan prestakallsins né breytingu á prestssetrum sem eru á Fáskrúðsfirði, Djúpavogi og Heydölum í Breiðdal. Áður hafði verið ákveðið að prestssetrin á Norðfirði og Eskifirði yrðu lögð niður við starfslok sóknarpresta þar.
Breytingin er hluti af breyttri skipan á landsvísu þar sem einmenningsprestaköllum hefur verið fækkað.
Í prestakallinu búa um 5.400 manns. Gert er ráð fyrir að þar þjóni einn sóknarprestur og fjórir prestar.
