Fljótsdalshérað: Mjótt á munum í fyrstu tölum
Framsóknarflokkurinn er stærstur á Fljótsdalshéraði samkvæmt fyrstu tölum en lítill munur er á honum, Héraðslista og Sjálfstæðisflokki. Öll framboðin fjögur koma að manni.Talin hafa verið 754 af 1834 atkvæðum eða 41,1%
Atkvæði skiptast þannig:
Framsóknarflokkur 214 eða 28,4% og þrír fulltrúar.
Sjálfstæðisflokkur 196 eða 26% og tveir fulltrúar.
Héraðslisti 207 eða 27,5% og þrír fulltrúar
Miðflokkur 137 eða 18,2% og einn fulltrúi.
Framsóknarflokkurinn bætir við sig einu prósentustigi frá 2014, Héraðslistinn sex stigum og manni. Sjálfstæðisflokkurinn bætir við sig fjórum prósentustigum.
Það flækir hins vegar samanburðinn að Á-listinn, sem fékk rúm 26% síðast býður ekki fram nú né E-listi sem fékk 3%. Miðflokkurinn kemur hins vegar nýr inn og fær einn bæjarfulltrúa.
Tvö atkvæði vantar upp á að annar maður Miðflokksins felli þriðja mann Héraðslista út. Sömuleiðis er stutt í þriðja mann Sjálfstæðisflokksins.
Sjálfstæðisflokkur, Héraðslisti og Á-listi mynda meirihluta í dag. Sjálfstæðisflokkur og Héraðslisti gætu haldið sínu samstarfi áfram miðað við fyrstu tölur.