Fullorðinn maður réðist á ungling
Fullorðinn karlmaður réðist á táningspilt á leiksvæði á Egilsstöðum um helgina. Árásin hefur verið kærð til lögreglu.
Óskar Bjartmarz, yfirlögregluþjónn hjá sýslumanninum á Seyðisfirði, sagði í samtali við agl.is að maðurinn hefði sparkað í strákinn. Hann staðfesti að maðurinn hefði verið með hafnaboltakylfu meðferðis en ekki notað hana.
Samkvæmt heimildum agl.is hafði piltinum lent saman við son mannsins sem brást við á þennan hátt.
Í dag var lögð fram formleg kæra í málinu. Lögreglan rannsakar málið.
