Hálslón komið á yfirfall
Vatnsyfirborð Hálslóns fór í gær upp í 625 metra hæð yfir sjávarmáli. Þar með byrjar vatn að renna úr lóninu um yfirfall í farveg Jökulsár á Dal. Þar með myndast fossinn Hverfandi.Lónið fór á yfirfall í gær, einum degi síðar en á síðasta ári. Þróun vatnsbúskaparins í lóninu var sérstakur í vor en hefur seinni hluta sumars verið á sama hátt og í fyrra.
Um miðjan apríl fylgdu leysingar miklum hlýindum og þá hækkaði hratt í lóninu. Sú háa vatnsstaða, sem var mun hærri en í meðalári, hélst fram í miðjan júní.
Miklir þurrkar hægðu á vatnssöfnuninni en segja má að frá síðustu viku júní hafi þróun vatnshæðarinnar verið nákvæmlega sú sama og í fyrra.
Vatnsstaðan er hins vegar mun hærri en í áætluðu meðalári þar sem búist er við að lónið fari á yfirfall í lok ágúst.
