Hertar reglur skýra aukinn fjölda
Hertari reglur og nákvæmari skráning skýrir mikla aukningu á fjölda Austfirðinga sem eru í sóttkví vegna heimsfaraldurs Covid-19 veirunnar.Samkvæmt upplýsingum á covid.is voru 22 einstaklingar á Austurlandi í sóttkví þegar vefurinn var uppfærður klukkan 11 í morgun. Sólarhring áður voru þeir aðeins fjórir.
Kristján Ólafur Guðnason, yfirlögregluþjónn hjá lögreglunni á Austurlandi, segir aukninguna eiga sér tvær skýringar. Annars vegar sé skráning þeirra sem eru í sóttkví á svæðinu orðin nákvæmari, hins vegar hafi reglur verið hertar á þann hátt að nú þurfi allir sem komi erlendis frá að fara í sóttkví í tvær vökur.
Reglurnar voru hertar í gær en áður höfðu aðeins þeir sem komu frá skilgreindum hættusvæðum þurft að fara í sóttkví.
Enn hefur enginn greinst með Covid-19 smit á Austurlandi.
