Holt og heiðar fengu viðurkenningu Framfarafélags Fljótsdalshéraðs
Matvælafyrirtækið Holt og hæðir ehf. hlaut fyrir skemmstu viðurkenningu
Framfarafélags Fljótsdalshéraðs „Frumkvæði til framfara 2010.“
Viðurkenningin er árleg og veitt fyrirtæki eða einstaklingum sem þykja
hafa skarað framúr í nýsköpun og atvinnuþróun í sveitarfélaginu
Fljótsdalshéraði.
Í rökstuðningi félagsins fyrir afhendingu viðurkenningarinnar segir: „Hér er greinilega um sérstaklega vel heppnaða nýsköpun að ræða, sem þó felst einkum í því að útbúa af alúð, þekkingu og útsjónarsemi frábærar vörur að mestu leyti úr hefðbundnu hráefni út nærumhverfinu.“
Eigendur fyrirtækisins eru Bergrún Arna Þorsteinsdóttir, Guðný Vésteinsdóttir og Þórólfur Sigurjónsson, en aðsetur þess er á Hallormsstað. Þórarinn Lárusson, formaður Framfarafélagsins, afhenti Bergrúnu og Guðnýju viðurkenninguna.
Meðal framleiðslu fyrirtækisins nú má nefna handtíndan rabbarbara af Héraði með lágu sykurmagni og viðbættum fjallagrösum og „Dessertinn hannar ömmu“ (rabbabaraperur með sveskjum), birkisafa (tvenns konar), lerki- og furusveppi og köngla til skrauts á jólum.
