Jónas Sig og Ómar Guðjóns á ferð um Austurland
Fréttir • This email address is being protected from spambots. You need JavaScript enabled to view it. • Fyrst birt 22. nóv 2012 12:08 • Uppfært 08. jan 2016 19:23
Tónlistarmennirnir Jónas Sigurðsson og Ómar Guðjónsson eru á ferð um landið og heimsækja Austurland í vikunni. Tvennir tónleikar eru þegar búnir.
Jónas og Ómar spiluðu á Vopnafirði í fyrrakvöld og á Eskifirði í gærkvöldi. Í kvöld spila þeir í Herðubreið á Seyðisfirði, annað kvöld verða þeir í Sláturhúsinu á Egilsstöðum og í Fjarðarborg á Borgarfirði á laugardagskvöld. Allir tónleikarnir hefjast klukkan 21:00.
Þá troða þeir upp í hádeginu á morgun í N1 á Egilsstöðum. Síðustu tónleikarnir á svæðinu verða í Löngubúð á Djúpavogi klukkan 13:00 á sunnudag og á Höfn um kvöldið.
Óskar og Jónas halda fjórtán tónleika á fjórtán dögum. Þeir lögðu af stað á húsbíl en skiptu fljótt yfir á jeppa í vetrarfærðinni. Heimamenn hafa komið fram með þeim á tónleikunum. Á Ísafirði var það Mugison og þá hafa ljóðskáld einnig bæst í hópinn á sumum stöðum.
