Körfubolti: Öruggur sigur Hattar á Ármanni
Fréttir • This email address is being protected from spambots. You need JavaScript enabled to view it. • Fyrst birt 12. nóv 2011 10:17 • Uppfært 08. jan 2016 19:22
Höttur vann Ármann í fyrstu deild karla í körfuknattleik 93-77 þegar
liðin mættust á Egilsstöðum á fimmtudagskvöld. Með sigrinum komst Höttur
í fjórða sæti deildarinnar. Bandaríkjamaðurinn Michael Sloan átti enn
einn stórleikinn.
Það voru 220 manns mættir í íþróttahúsið á Egilsstöðum þegar Hattarmenn tóku á móti Ármanni. Hattarmenn byrjuðu leikinn af krafti og voru með yfirhöndina nánast allan leikinn og leiddu 19 -14 eftir fyrsta leikhluta. Þeir mættu enn sterkari til leiks í öðrum leikhluta og var staðan í hálfleik 44-26.
Seinni hálfleikurinn var svo mun jafnari en Hattarmenn bættu það upp með skemmtilegri spilamennsku og þá helst Bandaríkjamennirnir tveir sem tróðu báðir við mikinn fögnuð áhorfenda. Lokatölur urðu svo 93-77 í bráðskemmtilegum leik.
Stigahæstur í liði heimamanna var Mike Sloan með 36 stig auk þess að vera með flestar stoðsendingar eða 7 talsins.
Þjálfari Hattarmanna Viðar Örn Hafsteinsson sem tók flest fráköst heimamanna sagðist vera mjög ánægður með vörnina í fyrri hálfleik en það hafi verið of mikið kæruleysi í seinni hálfleiknum.
Seinni hálfleikurinn var svo mun jafnari en Hattarmenn bættu það upp með skemmtilegri spilamennsku og þá helst Bandaríkjamennirnir tveir sem tróðu báðir við mikinn fögnuð áhorfenda. Lokatölur urðu svo 93-77 í bráðskemmtilegum leik.
Stigahæstur í liði heimamanna var Mike Sloan með 36 stig auk þess að vera með flestar stoðsendingar eða 7 talsins.
Þjálfari Hattarmanna Viðar Örn Hafsteinsson sem tók flest fráköst heimamanna sagðist vera mjög ánægður með vörnina í fyrri hálfleik en það hafi verið of mikið kæruleysi í seinni hálfleiknum.
