Lögreglan ánægð eftir verslunarmannahelgina
Fréttir • This email address is being protected from spambots. You need JavaScript enabled to view it. • Fyrst birt 03. ágú 2011 20:03 • Uppfært 08. jan 2016 19:22
Forsvarsmenn lögreglunnar á Austurlandi eru ánægðir með hegðun þeirra sem voru á ferð í fjórðungnum um helgina.
Óskar Bjartmarz, yfirlögregluþjónn á Egilsstöðum segir ekki mikið hafa verið að gera og umferð gengið vel. „Allt í kringum landsmót UMFÍ var til sóma,“ segir Óskar en áætlað er að um tíu þúsund manns hafi sótt mótið á Egilsstöðum.
Jónas Wilhelmsson, yfirlögregluþjónn á Eskifirði, var sömuleiðis ánægður en hátíðin Neistaflug var haldin í Neskaupstað. Tvisvar þurfti reyndar að greiða fyrir umferð í Oddsskarðsgöngum. Engin umferðarslys urðu og engar líkamsárásir voru tilkynnar til lögreglunnar. Einn var tekinn fyrir ölvun við akstur, 32 fyrir of hraðan akstur og eitt vinnuslys varð í umræminu.
