Líneik Anna gefur kost á sér í annað sætið hjá Framsókn
Fréttir • This email address is being protected from spambots. You need JavaScript enabled to view it. • Fyrst birt 04. nóv 2012 11:31 • Uppfært 08. jan 2016 19:23
Líneik Anna Sævarsdóttir, skólastjóri Grunnskólans á Fáskrúðsfirði, hefur ákveðið að gefa kost á sér í annað sætið á lista Framsóknarflokksins í Norðausturkjördæmi fyrir komandi þingkosningar.
Þetta tilkynnti Líneik á kjördæmisþingi Framsóknarflokksins sem fram fór á Mývatni um síðustu helgi. Hún er stjórnarformaður Náttúrustofu Austurlands og sat um tíma í sveitastjórnum Austurbyggðar og Búðahrepps.
Ljóst er að baráttan um efstu sætin hjá Framsóknarflokknum verða hörð. Formaðurinn Sigmundur Davíð Gunnlaugsson og þingmaðurinn Höskuldur Þórhallsson berjast hatrammlega um efsta sætið.
Í annað sætið hafa einnig boðið sig fram Huld Aðalbjarnardóttir á Húsavík og Akureyringarnir Sigfús Karlsson og Anna Kolbrún Árnadóttir.
