Margmiðlunarsýning hefst í Sláturhúsinu um helgina
Næsta sýning í Sláturhúsinu verður margmiðlunarsýningin „Enginn veit hvað átt hefur fyrr en misst hefur.“ Hefst hún á laugardaginn kemur.Á vefsíðu Fljótsdalshéraðs segir að um samsýningu Landverndar og Ólafs Sveinssonar sé að ræða í samstarfi við NAUST - Náttúruverndarsamtök Austurlands og Sláturhúsið.
Sýningin verður formlega opnuð laugardaginn 3. október klukkan 17:00 og verður opin til 20:00. Eftir það verður hún opin alla virka daga frá 10:00 til 17:00 og lýkur 20. október.
Aðgangur er ókeypis og allir hjartanlega velkomnir.
Mynd: Sindri Skúlason á vefnum Fljótadalshérað.is
