Metumferð um flugvöllinn á Egilsstöðum í dag
Fréttir • This email address is being protected from spambots. You need JavaScript enabled to view it. • Fyrst birt 11. maí 2012 22:59 • Uppfært 08. jan 2016 19:23
Metumferð var um flugvöllinn á Egilsstöðum í dag þegar Flugfélag Íslands flaug tíu ferðir austur. Þar af lentu sjö vélar fyrir eða um hádegisbil.
Ástæðan fyrir ferðunum er vormót Fimleikasambands Íslands sem haldið er á Egilsstöðum um helgina. Ríflega 620 keppendur af landinu öllu mæta til keppni. Þeim fylgja síðan þjálfarar og aðstandendur.
