Metveiði í Breiðdalsá í sumar
Fréttir • This email address is being protected from spambots. You need JavaScript enabled to view it. • Fyrst birt 27. okt 2011 11:28 • Uppfært 08. jan 2016 19:22
Nýtt met var slegið í veiði í Breiðdalsá í sumar þegar 1430 laxar komust
á land. Stærsti laxinn var tíu kílógramma hrygna. Ríflega fimm hundruð
laxar veiddust á Jöklusvæðinu.
Þetta kemur fram í frétt á vef veiðiþjónustunnar Strengja. Þar segir að jöfn veiði hafi verið í Breiðdalsá allt sumarið, nema í byrjun júní þegar flæddi.
Þröstur Elliðason, stjórnandi veiðiþjónustunnar, veiddi sjálfur stærsta laxinn, 97 cm og 10 kg hrygnu í byrjun ágúst. Nokkrir stórir sluppu þó.
Silungsveiðin var minni en oft áður. Um 200 urriðar komu á land og um 100 bleikjur. Þröstur segir það þá veiði nokkur vonbrigði, sérstaklega í sjóbleikju.
Á Jöklusvæðinu, með þveránum Laxá, Fossá og Kaldá, veiddust 507 laxar og 57 laxar til viðbótar í Fögruhlíðará. Mikið af vænum laxi veiddist og segir Þröstur að ekki sé síður von á stórlöxum þar en í Breiðdalsá þegar fram í sækir.
Þröstur Elliðason, stjórnandi veiðiþjónustunnar, veiddi sjálfur stærsta laxinn, 97 cm og 10 kg hrygnu í byrjun ágúst. Nokkrir stórir sluppu þó.
Silungsveiðin var minni en oft áður. Um 200 urriðar komu á land og um 100 bleikjur. Þröstur segir það þá veiði nokkur vonbrigði, sérstaklega í sjóbleikju.
Á Jöklusvæðinu, með þveránum Laxá, Fossá og Kaldá, veiddust 507 laxar og 57 laxar til viðbótar í Fögruhlíðará. Mikið af vænum laxi veiddist og segir Þröstur að ekki sé síður von á stórlöxum þar en í Breiðdalsá þegar fram í sækir.
