Nálgast 800 metra dýpt á Djúpavogi en ekki bólar á nógu heitu vatni
Borun eftir heitu vatni við Djúpavog hélt meira og minna áfram yfir alla páskana og bormenn nú komnir langleiðina á 800 metra dýpi án þess þó að finna nægilega heitt vatn.
Óljóst er hversu lengi verið borað áfram á viðkomandi stað. Samkvæmt uppfærslum á verkgangi á vef HEF veitna hefur markmiðið verið síðustu dægrin að halda borun áfram á meðan hitastig fer hækkandi en endurmeta stöðuna við 800 metrana. Síðasta hitamæling var gerð fyrir helgi á um 680 metra dýpi en sú mæling sýndi aðeins 52° hita sem er nokkuð fjarri því sem þarf til og ekki mikið hærri hiti en mældist rúmum tveimur vikum áður á rétt rúmlega 500 metra dýpi þegar hitinn mældist 43°C.
Borun hefur gengið hægt reyndar síðustu sólarhringa og menn aðeins komist um 20 metra niður hvern dag en bergið sem borinn hefur verið í að undanförnu skiptist í mjög hart berg og aðeins mýkri lög þar á milli.
