Öll íbúafjölgun austanlands borin uppi af íbúum með erlent ríkisfang
Öll íbúafjölgun á Austurlandi og gott betur síðastliðin sex ár er borin uppi af íbúum með erlent ríkisfang. Þeim fjölgað á þessum tíma um sjö hundruð í fjórðungnum þó heildarfjölgun íbúa sé einungis fimm hundruð.
Það merkir að ekki einungis er öll fjölgun á Austurlandi frá árinu 2019 tilkomin vegna íbúa með erlent ríkisfang heldur og dekka erlendir íbúar einnig tvö hundruð manna fækkun Íslendinga yfir sama tímabil.
Þetta meðal þess sem fram kemur í stöðugreiningu landshlutanna sem Byggðastofnun framkvæmir reglulega og birti nýverið niðurstöður sínar fyrir yfirstandandi ár.
Annað forvitnilegt sem kemur fram í greiningu stofnunarinnar að þessu sinni er að aldurssamsetning austanlands er hægt og bítandi að taka breytingum. Fjöldi íbúa í fjórðungnum sem kominn er yfir sextugsaldurinn hefur ekki mælst hærri þau sex ár sem greiningin nær til og fer langleiðina í þrjú þúsund einstaklinga. Sá fjöldi nálægt því að vera fjórðungur allra íbúa sem austanlands kjósa að búa en auknum fjölda eldra fólks fylgir síaukin þörf á þjónustu sveitarfélaga og heilbrigðisstofnanna.
