Opinn fundur um flugvallarmál á morgun
Fréttir • This email address is being protected from spambots. You need JavaScript enabled to view it. • Fyrst birt 23. okt 2012 18:58 • Uppfært 08. jan 2016 19:23
Niðurstöður skýrslu um áhrif þess að færa innanlandsflug frá Reykjavík til Keflavíkur verða kynntar á opnum fundi sem hefst klukkan tólf á hádegi á Hótel Héraði á Egilsstöðum á morgun.
Það var endurskoðunarfyrirtækið KPMG sem vann skýrsluna að beiðni sex sveitarfélaganna á landsbyggðinni. Flosi Eiríksson, fyrrum bæjarfulltrúi í Kópavogi, var meðal þeirra sem leiddu vinnuna hjá KPMG en hann er framsögumaður á morgun.
Auk hans segir Skarphéðinn Smári Þórhallsson, framkvæmdastjóri Mannvits á Egilsstöðum, reynslusögu úr atvinnulífinu og Páll Björgvin Guðmundsson, bæjarstjóri Fjarðabyggðar, ræðir um áhrif á stjórnsýslu og atvinnulíf.
