Opinn fundur um sjávarútvegsmál
Síldarvinnslan stendur á morgun fyrir opnum fundi um sjávarútvegsmál í
Nesskóla. Meðal fyrirlesara er Ragnar Árnason, prófessor í fiskihagfræði
við Háskóla Íslands.
Síldarvinnslan hefur undanfarin ár staðið fyrir opnum fundum milli jóla og nýárs. Auk Ragnars, sem flytur fyrirlestur undir heitinu „Hvernig fær þjóðin mest út úr sjávarauðlindinn“ ræðir Gunnþór Ingvason, framkvæmdastjóri fyrirtækisins, þróun þess síðustu ár og Árni Bjarnason, forseti Farmanna- og fiskimannasambands Íslands, spáir í hvað sé framundan í íslenskum sjávarútvegi.
Fyrirlesturinn verður í sal Nesskóla í Neskaupstað, hefst klukkan 13:00 og stendur í tæpa tvo tíma.
Í auglýsingu fundarins segir að um 600-700 manns starfi beint við veiðar og vinnslu á Austurlandi og um Fjarðabyggðarhafnir fari alls 27% þess sjávarafla sem landð sé á Íslandi.
