Reiknar með að margir geri upp hug sinn í dag
Stefán Bogi Sveinsson, oddviti framsóknarmanna á Fljótsdalshéraði, segir að kosningabaráttan hafi harðnað í vikunni. Margir hafi verið óákveðnir og ákveði sig á seinustu stundu.
„Kosningabaráttan fór rólega af stað en það hefur verið gríðarlega mikið að gera í þessari viku. Fólk er óákveðið en vill upplýsingar og ég held að margir muni gera upp hug sinn á kjördag,“ segir Stefán.Hann segir fjármálin hafa verið aðalmál baráttunnar en skólamálin færst í forgrunn á lokasprettinum. „Fólkið vill standa vörð um grunnskólana.“
