Rúmlega 40 framúrskarandi fyrirtæki á Austurlandi
Alls 41 austfirsk fyrirtæki komast á nýbirtan lista Creditinfo yfir Framúrskarandi fyrirtæki ársins 2024 en uppfylla þarf fjölda strangra skilyrða til að komast á listann þann.
Creditinfo hefur árlega um fimmtán ára skeið greint rekstur íslenskra fyrirtækja og veitt þeim er fram úr standa í tilteknum rekstrarþáttum viðurkenningar í kjölfarið.
Skilyrðin fjölmörg sem uppfylla þarf en þar á meðal krafa um að fyrirtækið sé í besta lánshæfisflokki, ársreikningum sé skilað tímanlega og rekstrartekjur, hagnaður, eiginfjárhlutfall og eignir þurfa að ná tilteknu lágmarki til að öðlast hina árlegu viðurkenningu sem opinbert Framúrskarandi fyrirtæki.
Austurfrétt óskaði upplýsinga um fyrirtækin austanlands sem þessum markmiðum náði á þessu ári og þau telja alls 41 talsins. Þó með þeim formerkjum að Creditinfo telur Hornafjörð til Austurlands en ekki Suðurlands eins og flestir opinberir aðilar. Þar er einmitt staðsett eina fyrirtækið á listanum sem hefur hefur hlotið viðurkenninguna hvert einasta ár sem viðurkenningin hefur verið veitt en það er sjávarútvegsfyrirtækið Sigurður Ólafsson ehf.
Fyrirtækjunum er skipt niður í þrjá hluta: stór, meðalstór og lítil fyrirtæki og listinn 2024 er eftirfarandi:
Stór fyrirtæki
Síldarvinnslan
Eskja
Loðnuvinnslan
Kaupfélag Fáskrúðsfirðinga
Jökulsárlón ferðaþjónusta
Hvanney
Launafl
MVA
HEF-Veitur
Myllan
Útgerðarfélagið Vigur
Egersund Ísland
Þ.S. Verktakar
Vök Baths
Meðalstór fyrirtæki
Nestak
Fjallsárlón
G. Skúlason vélaverkstæði
Sigurður Ólafsson
Hótel Framtíð
Litlahorn
Ice lagoon
Verkstæði Svans
Hótel Smyrlabjörg
Þriftækni
Lostæti - Austurlyst
Erpur ehf
Funi ehf
Haki ehf
Eyfreyjunes
Jónsmenn
Tveir stubbar
Austurbrú
Egilsstaðahúsið ehf
Kári Borgar ehf
Mikael ehf
Lítil fyrirtæki
Héraðsprent
Akurnesbúið
Ís og ævintýri
Vaskur
Straumbrot
Pakkhús veitingar
Öll stóru sjávarútvegsfyrirtæki Austurlands standast hámarkskröfur Creditinfo nú sem hin síðustu árin. Mynd GG
