Sagði sig úr Flokki fólksins
Jakob Frímann Magnússon, þingmaður Norðausturkjördæmis, hefur sagt sig úr þingflokki Flokks fólksins.Forseti Alþingis las upp úrsagnarbréf frá Jakobi við upphaf þingfundar í morgun. Hann segist þar með starfa á Alþingi utan þingflokka.
Í byrjun vikunnar varð ljóst að Jakob Frímann fengi ekki oddvitasætið á lista flokksins í kjördæminu fyrir komandi kosningar. Hann skipaði það í kosningunum 2021 og komst nokkuð óvænt á Alþingi en framboðið fékk byr í seglin síðustu dagana fyrir kosningar.
Á þingfundinum var einnig lagt fram frumvarp fjármálaráðherra um kílómetragjald á ökutæki, sem er ætlað að taka við af vörugjöldum á jarðefnaeldsneyti.
