Sláttur hafinn á Fljótsdalshéraði
Fréttir • This email address is being protected from spambots. You need JavaScript enabled to view it. • Fyrst birt 02. júl 2011 18:47 • Uppfært 08. jan 2016 19:22
Gunnar Jónsson bóndi á Egilsstöðum á Völlum hóf slátt í dag. Sæmileg spretta er á stykkinu sem Gunnar sló nú, eins og sjá má.
Sláttur fer óvenju seint af stað nú vegna tíðarfarsins hingað til. Kalt hefur verið og spretta misjöfn á Héraði, þar sem gras hefur á annað borð komið upp ur túnunum. Töluvert hefur borið á kali í túnum á Héraði og upp til Dala, nú á vordögum sem staðið hafa fram undir þetta. Góð spretta var þó á stykkinu sem Gunnar á Egilstöðum var að slá í dag og fyrstu rúllur sumarsins litu þar dagsins ljós, áður en það rigndi ofan í flekkinn.