Þrjár umsóknir um tvær skólastjórastöður
Þrjár umsóknir bárust um tvær stöður skólastjóra við austfirskra grunnskóla sem auglýstar voru lausar nýverið.Í Fellaskóla á Fljótsdalshéraði var Þórhalla Sigmundsdóttir, kennari á Hellu, eini umsækjandinn. Sverrir Gestsson skólastjóri lætur þar af störfum fyrir næsta skólaár.
Tvö sóttu um stöðu skólastjóra Nesskóla í Neskaupstað. Annars vegar Eysteinn Þór Kristinsson deildarstjóri við skólann og hins vegar Ásta Stefanía Svavarsdóttir, aðstoðarskólastjóri á Eskifirði.
Um 220 nemendur eru í Nesskóla sem einnig er með útibú í Mjóafirði. Einar Már Sigurðsson hefur verið skólastjóri þar frá því á vorönn 2015.